Një Zgjidhje Afatgjatë për Rritjen e Agrobizneseve.

Agrotrade është një platformë digjitale shitjeje (e-commerce) e krijuar në Shqipëri nga kompania e konsulencës, Creative Business Solutions. Përgjatë viteve të bashkëpunimit tonë me agrobizneset, ne kuptuam problemet që pengojnë tregtimin e prodhimeve të tyre jashtë vendit. Analizuam mënyrat më të mira për t’i ndihmuar dhe krijuam një zgjidhje afatgjatë për eksportin e prodhimeve shqiptare. Agrotrade u lançua në qershor 2019. Ajo është platforma e parë e-commerce në Shqipëri për shitjen digjitale të prodhimeve bujqësore. Sot, klientët tanë, shitësit dhe blerësit lidhen me njeri-tjetrin dhe bëjnë lehtë biznes duke arritur transaksione të suksesshme përmes Agrotrade.

MISIONI YNË.

Lehtësimi i Mënyrës së të Bërit Biznesit.

Ne i ofrojmë agrobizneseve fuqinë e teknologjisë digjitale për të arritur tregje të huaja. Jemi të bindur se e-commerce është mënyra më e suksesshme për të larguar pengesat dhe lehtësuar tregtinë në nivel ndërkombëtar.

VIZIONI YNË.

Agrobiznese të Suksesshme në Epokën Digjitale.

Ne synojmë që Agrotrade të jetë qendra digjitale e shitjes së prodhimeve shqiptare. Platforma Agrotrade do të vijojë të fuqizohet dhe zhvillohet në dekadat e ardhshme, për sa kohë teknologjia digjitale do mbizotërojë njerëzimin dhe mënyrën e të bërit biznes.

EKIPI YNË.

Zhvillim i Qëndrueshëm për Bizneset.

Ekipi ynë përbëhet nga ekspertë dhe këshilltarë biznesi me një eksperiencë të gjatë bashkëpunimi me agrobizneset. Ne i përkushtohemi suksesit dhe sjellim impakt të matshëm në çdo shërbim që ofrojmë për klientët tanë.